Dünya İqtisadi Forumu (WEF) tərəfindən hər il İsveçrənin Davos qəsəbəsində təşkil edilən Davos görüşü bu il 22 yanvar tarixində başlayacaq. Bu il 49-cusu təşkil olunacaq forumun mövzusu “Qlobalizasiya 4.0: 4-cü Sənaye İnqilabı Dövründə Yeni Beynəlxalq Arxitekturanın Formalaşdırılması” adlanır.
Forumda 115 ölkədən 3000-dən çox təmsilçi iştirak edəcək. Dünya liderlərindən ABŞ-ın prezidenti Donald Trump, İngiltərə baş naziri Theresa May və Fransa prezidenti Emmanuel Macron tədbirdə iştirak edə bilməyəcəklər. Bununla belə, Almaniyanın federal kansleri Angela Merkel, Yaponiyanın baş naziri Shinzo Abe, Niderlandın baş naziri Mark Rutte kimi nüfuzlu şəxslərin iştirakı gözlənilir.
Tədbirin ən cavan iştirakçısı 16 yaşlı Cənubi Afrikalı fotoqraf Skye Meaker, ən yaşlı iştirakçısı isə 92 yaşlı ingilis diktor David Attenborough olacaq.
Respublikamız forumda 6 iştirakçı ilə təmsil olunacaq.
Davos Zirvəsi öz işinə yanvarın 25-i yekun vuracaq.