Cari ilin yanvar-sentyabr aylarında “Elektron hökumət” portalındakı elektron xidmətlərə ümumilikdə 17 milyon 555 min 749 müraciət qeydə alınıb. Həmin müraciətlərin 40%-ə yaxını əmək və sosial müdafiə sahəsi üzrə xidmətlərə yönəlib.
Hesabat dövründə Azərbaycan Respublikası Əmək və Əhalinin Sosial Müdafiəsi Nazirliyi portalda elektron xidmətləri təqdim olunan qurumlar sırasında elektron xidmətlərindən istifadə sayına görə birinciliyini qoruyub.
2017-ci ilin 9 ayında da portalda e-xidmətlərinə ən çox müraciət edilən qurum 7 006 756 müraciət sayı ilə Əmək və Əhalinin Sosial Müdafiəsi Nazirliyi olub.
Hazırda “E-hökumət” vasitəsilə ümumilikdə 43 qurum tərəfindən 434 elektron xidmət əhalinin istifadəsindədir. Onlardan 6.5%-i Əmək və Əhalinin Sosial Müdafiəsi Nazirliyinə aid e-xidmətlərdir.
Qeyd edək ki, ötən ay nazirliyin e-xidmətlərinə keçən ilin sentyabr ayı ilə müqayisədə 20.7% çox, yəni 520 205 müraciətin olunub.