5 iyun 2018-ci il tarixində Avropa İttifaqının (Aİ) Azərbaycandakı Nümayəndəliyi, Alman-Azərbaycan Xarici Ticarət Palatası (AHK) və Azərbaycanda İxracın və İnvestisiyaların Təşviqi Fondunun (AZPROMO) birgə əməkdaşlığı ilə Aİ-Azərbaycan Biznes Forumu keçiriləcək.
BBN.AZ verdiyi məlumata əsasən Forumda 500 yaxın biznes liderləri, investorlar, hökumət nümayəndələri və siyasət formalaşdıran digər şəxslərin iştirakı gözlənilir. Biznes Forumun keçirilməsində əsas məqsəd şirkətlər üçün işgüzar platforma yaratmaq, ölkədəki mövcud biznes mühitin inkişaf istiqamətlərini müzakirə etmək və şirkətlərin işgüzar münasibətlər qurmasına yardımçı olmaqdır. Tədbirdə mövcud biznes imkanlarınə müzakirə etmək məqsədilə mühüm sektorlardan olan Kənd Təsərrüfatı və Qida, Tikinti və Maşınqayırma, Nəqliyyat və Logistika, İKT və Elektron Ticarət sahələri ilə bağlı panel müzakirələri təşkil olunacağı planlaşdırılır.
Forum Bakı şəhərində, JW Marriott Absheron Hotelində keçiriləcək.