Meksikanın Tjiuana şəhərindən ABŞ-ın Kaliforniya əyalətinə gedən iki gizli tunel aşkarlanıb.
Meksika polisi və ordusu tərəfindən aşkarlanan tunellərin narkotik vasitələrin daşınması üçün istfadə edildiyi ehtimal edilir.
İki tunel arasındakı məsafə cəmi 400 metr təşkil edir. Tunellərdən birinin ABŞ-ın San Dieqo şəhərinə çıxdığı, digərinin isə hələ tamamlanmadığı bildirilib.
Meksika rəsmiləri tunellərin narkotik karteli olan Sinaloa-ya aid olduğunu açıqlayıb.
Qeyd edək ki, oktyabr ayında da Meksikanın eyni şəhərində ABŞ-a narkotik nəql etmək üçün qazılan oxşar tunellər aşkarlanmışdır.
