Azərbaycanın energetika naziri Natiq Əliyev “Natural Gas World” jurnalına verdiyi müsahibədə bildirib ki, 2017-ci ildə ölkədə qaz hasilatının artacağı, neft hasilatının isə azalacağı proqnozlaşdırılır.
Onun sözlərinə görə, ötən il qaz hasilatı azalsa da, 2017-ci ildə 0,8% artacağı və 29,561 mlrd. kubmetrə çatacağı proqnozlaşdırılır.
Həmçinin Nazir əlavə edib ki, yanvarın 1-nə yeraltı qaz ehtiyatlarının həcmi 1.167 mlrd. kubmetrə çatıb.