Maksimum imkanlar təklif edən Expresso həm də debet kart kimi istifadə edilir. Müştərilər karta yerləşdirilən vəsaitin qalığına görə illik 3% gəlir əldə edəcəklər. Debet qalığı üzrə ay ərzində hesablanmış faiz məbləği hər ayın son iş günü ərzində kart hesabına köçürülür.
Kart hesabını artırmaq üçün pul vəsaitini hesaba dərhal, rahat və komissiyasız ExpressPay ödəniş terminalları, Şəxsi kabinet və ya ExpressPay mobil pul kisəsi vasitəsi ilə mədaxil etmək mümkündür. Şəxsi vəsaiti və bu vəsaitdən toplanan gəlirləri Expressbank-ın bankomatlarında nağdlaşdırma etdikdə komissiya 0% təşkil edir.
Expresso həm də güzəşt müddətli kredit, “cash back”, əlavə qazanc, sərbəst dizayn seçimi, təmassız ödəniş kimi maksimum imkanları özündə birləşdirən unikal kartdır. Üstəlik SMS-Banking xidməti də tam pulsuzdur.
Xatırladaq ki, Expressbank-ın xidmət şəbəkəsi 16 filialdan ibarətdir. Onlardan 10-u Bakı və Sumqayıt şəhərlərində, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 80-dək bankomat, 6000-dək POS terminal və 500-dən artıq ExpressPay ödəniş terminalı vardır.