“Günay Sığorta” ASC-nin İdarə Heyətinə yeni sədr təyin edilib. BBN.az şirkətə istinadən xəbər verir ki, bu vəzifəyə şirkətin Direktorlar Şurasının sədr müavini vəzifəsində çalışmış Həsən Bədəlov təyin edilib. Belə ki, Azərbaycan Respublikasının Maliyyə Bazarlarına Nəzarət Palatasına müraciət edildikdən sonra isə rəsmi olaraq vəzifəsinin icrasına başlayacaq.
Həsən Bədəlov 2002-2008-ci illərdə “Azər-Türk Bank” ASC-də, 2008-2013-cü illərdə “Azərbaycan Sənaye Bankı” ASC-nin İdarə Heyətinin sədr müavini, 2013-2014-cü illərdə İntersun şirkətində bank, sığorta və pərakəndə sahələri üzrə maliyyə müşaviri, 2014-2015-ci illərdə bir sıra maliyyə qurumlarında müşavir kimi çalışmışdır. 2016-cı ildən etibarən isə “Günay Sığorta” ASC-də Direktorlar Şurasının sədr müavini kimi çalışmışdır.
Qeyd edək ki, İdarə Heyətinin sədri Vüqar Babakişiyev Direktorlar Şurasının üzvü kimi şirkətdə fəaliyyətini davam etdirəcək.