Azərbaycan Respublikasının Mərkəzi Bankı (AMB) dəftərxana və ofis ləvazimatlarının satın alınması, təsərrüfat və azqiymətli malların satın alınması, AMB ofislərində Avtomatlaşdırılmış Telefon Stansiyalarına servis xidmətinin satın alınması məqsədilə kotirovka sorğusu elan edir.
BBN.az-ın məlumatına əsasən, AMB həmçinin, binalarında istismar olunan mebel avadanlıqları və qapı-pəncərə-jalüz sistemləri üçün ehtiyat hissələrinin , istismarda olan kompüter, server və rabitə avadanlıqlarının ehtiyat hissələrinin, printer və surətçıxarma aparatı kartriclərinin, “Maliyyə Savadlılığı” animasiyalarının “Azərbaycan Hava Yolları” QSC-yə məxsus təyyarələrdə yerləşdirilməsi üçün sistemlərə uyğun texniki parametrlərə salınması işlərinin satın alınması üçün kotirovka sorğusu elan edir.
Sorğuda iştirak haqqı 1-ci və 2-ci məsələlərin hər biri üzrə 50 manat, 3-cü, 5-ci və 7-ci məsələlərin hər biri üzrə 20 manat, 6-cı məsələ üzrə isə 30 manat təşkil edir.
Kotirovka sorğuları üzrə möhürlənmiş və imzalanmış təklif zərfləri 23 yanvar 2018-ci il saat 17.00-dək əlaqələndirici şəxs tərəfindən qəbul ediləcək və 24 yanvar 2018-ci il saat 10.00-da Mərkəzi Bankın Bakı şəhəri R.Behbudov küç. 90 ünvanında yerləşən inzibati binasında açılacaqdır.