Azərbaycan Respublikası Dövlət Neft Fondu (ARDNF) Hasilat Sənayesində Şəffaflıq üzrə Komissiyanın rəsmi internet səhifəsinin yaradılması üçün “Dövlət satınalmaları haqqında” Azərbaycan Respublikasının Qanununa uyğun olaraq xidmət təkliflər sorğusu metodu ilə satınalma proseduru keçirir.

Qeyd edək ki, müsabiqədə iştirak etmək istəyənlər xidmət təkliflər sorğusunu əldə etmək üçün ARDNF-ə müraciət etməlidir. Təkliflər 2 oktyabr 2017-ci il yerli vaxtla saat 18:00-dək ARDNF-ə təqdim edilməlidir. Təklif zərfləri 3 oktyabr 2017-ci il yerli vaxtla saat 11:00-da ARDNF-də (Bakı şəhəri, H.Əliyev prospekti 165, AZ1029) açılacaq.