Cari ilin yanvar-dekabr ayları ərzində Azərbaycan 13 098 avtomobil idxal edib.
BBN.az Dövlət Gömrük Komitəsinin statistikasına əsasən xəbər verir ki, bu ilin yanvar-dekabr ayında idxal olunan avtomobil sayı ötən ilin eyni dövrü ilə müqayisədə 128% və ya 7 352 ədəd çoxdur.
Belə ki, 2017-ci ilin dekabr ayı ərzində sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrin idxalı 187 ədəd, əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin idxalı 11 610 ədəd təşkil edib. Bu isə ötən ilin eyni dövrü ilə müqayisədə müvafiq olaraq 91 ədəd və 6 619 ədəd çoxdur.
Yük daşımaq üçün motorlu nəqliyyat vasitələrinin idxalı 656 ədəd və ya 114.8% artaraq 1 227 ədəd təşkil edib.
Xüsusi təyinatlı motorlu nəqliyyat vasitələrinin idxalnda azalma müşahidə edilib. Cari ilin yanvar-dekabr ayları ərzində 74 ədəd xüsusi təyinatlı motorlu nəqliyyat vasitəsi idxal olunub.
Qeyd edək ki, ötən il 14 ədəd çox xüsusi təyinatlı motorlu nəqliyyat vasitəsi idxal olunmuşdu.