Gürcüstanın Rustavi şəhərində fəaliyyət göstərən “AG Microelectronics” Azərbaycan-Gürcüstan birgə müəssisəsi yaxın vaxtlarda yeni məhsulların istehsalına başlayacaq. Bu məhsullar yerli bazarla yanaşı, MDB və Avropa bazarlarına da çıxarılacaq.
BBN.az saytı bu barədə Vergilər qəzetinə istinadən xəbər verir.
Müəssisənin maliyyə direktoru İosif Mazmişvili bildirib ki, müəssisə 2013-cü ildə yaradılıb. Hazırda müəssisədə LED lampaları, LED televizorları, TV Box və rəqəmsal texnologiyalar üçün ehtiyat hissələri, dekorativ lampalar istehsal 0lunur.
Qeyd edək ki, Mazmişvilinin verdiyi açıqlamaya əsasən, Gürcüstan ilə Avropa İttifaqı arasında əldə olunmuş razılıqla əlaqədar olaraq Gürcüstandan Avropaya satılacaq məhsullar üçün gömrük rüsumu ödənilməyəcək.