Dünya Bankı Qrupunun üzvü olan Beynəlxalq Maliyyə Korporasiyası (IFC) kiçik sahibkarların inkişafını və yeni iş yerlərinin açılmasını dəstəkləmək məqəsdilə, rəqəmsal maliyyə xidmətlərindən istifadəni asanlaşdırmaqla maliyyə sistemində maliyyə inklüzivliyinin gücləndirilməsi üçün Azərbaycanda yeni məsləhət xidmətləri layihəsinə start verir.
Məsləhət xidməti layihəsi Dünya Bankı Qrupu Azərbaycanda və Mərkəzi Asiyada “Elektron və Rəqəmsal Maliyyə Xidmətləri layihəsi” çərçivəsində həyata keçiriləcək.
“Elektron və Rəqəmsal Maliyyə Xidmətləri layihəsi” IFC tərəfindən həyata keçiriləcək və İsveçrənin İqtisadi Məsələlər üzrə Dövlət Katibliyi tərəfindən maliyyələşdiriləcəkdir. Layihənin məqsədi layihə ölkələrində elektron maliyyə xidmətləri göstərən səmərəli və dayanıqlı təchizatçılar şəbəkəsi yaratmaqla əhalinin rəsmi maliyyə sistemlərində iştirakını sövq etməkdir.