19 dekabr 2017-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1 nömrəli “ASAN Xidmət” Mərkəzində “Asan İmza” mobil identitet və gücləndirilmiş elektron imza Azərbaycan mərkəzinin operatoru B.EST Solutions şirkəti tərəfindən təşkil olunan “Asan İmza” üzrə təlim kursu keçən ASAN-könüllülərin mükafatlandırılma mərasimi baş tutub. Testin yekunu üzrə ən yaxşı nəticələr göstərən könüllülər bu mərasimin iştirakçıları olub. İştirakçıların nəinki rəqəmsal mobil imzanın imkanları sahəsindəki məlumatlılıq səviyyəsi, həmçinin kreativ düşünmə və “Asan İmza”nın istifadəsilə bağlı öz təkliflərini təqdim etmə bacarıqları qiymətləndirmənin əsas meyarı olub.
Təqdimat mərasiminin bütün iştirakçıları fərdi sertifikatlara layiq görülüb.