24 iyul 2018-ci il tarixində Bakı Fond Birjasında Maliyyə Nazirliyinin AZ0106012690 ISIN-li, 15 mln. manat həcmində, 1092 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.
BBN.az Bakı Fond Birjasına istinadən xəbər verir ki, hərrac zamanı 7 investor tərəfindən qiyməti intervalı 93.8048 AZN (11.5000%) və 100.0000 AZN (9.0000%) olan 12 sifariş təqdim olunub.
Maliyyə Nazirliyinin qərarına əsasən istiqrazların kəsmə qiyməti 95.4897 AZN (10.8000%), orta ölçülmüş qiyməti 97.6330 AZN (9.9316%) müəyyən edilib. Sifarişlərin nominal qiymətlə ümumi məbləği 18 195 300 AZN, yerləşdirilmiş həcmi isə 15 mln manat təşkil edib.
İstiqrazların ödəmə tarixi 20 iyul 2021-ci ildir.
Qeyd edək ki, hərrac iştirakçıları 25 iyul 2018-ci il (t+1) tarixinədək istiqrazların alışı üzrə öhdəliklərini icra etməlidirlər.