“Azərbaycan kapital bazarları. İmkanlar və perspektivlər” Konfransının ikinci panelində “Bakı Fond Birjası”nın İdarə Heyətinin sədri Vüqar Namazov “Azərbaycan Kapital bazarları: Yeni alətlər və imkanlar astanasında” mövzusu ilə çıxış edib.
Vüqar Namazov kapital bazarlarında nəzarətdən, rəqabətdən, texnologiyadan, Azərbaycan Kapital Bazarından, Listinq Məsləhət Proqramından danışıb.
Onun sözlərinə görə, qlobal bazarlar əsasən London, Avropa maliyyə bazarları arasındadır. V. Namazov bildirib ki, kapital bazarlarının əsasını qanunvericilik, infrastuktur və biznes mühiti təşkil edir.
“Bakı Fond Birjası”ndan danışan Vüqar Namazov Birjanın yeganə tənzimlənən bazar təşkilatçısı olduğunu deyib və qeyd edib ki, 2017-ci il üçün BFB-nin dövriyyəsi 8 mlrd. manat olub. Listinqdən keçmiş şirkətlərin sayı isə 957-dir.