Özbəkistanda Beynəlxalq Biznes forum keçiriləcək.
Azərbaycanlı iş adamlarının Özbəkistan Respublikasında aktiv surətdə həyata keçirilən sosial-iqtisadi islahatlara, əlverişli biznes mühitə marağını nəzərə alaraq, ASK-nın təşkilatçılığı ilə sahibkarların may ayının 10-12-də Özbəkistana biznes missiyası təşkil edilir.
BBN.az xəbər verir ki, səfər çərçivəsində iştirakçıların ölkənin Ticarət və Sənaye Palatası, müxtəlif dövlət qurumlarında görüşləri, müvafiq biznes imkanlar ilə tanışlıqla yanaşı, may ayının 11-12-də Özbəkistanın Nəvoi vilayətində keçiriləcək Beynəlxalq Biznes Forumda iştirakı təmin ediləcək.
Bu forum zamanı adı çəkilən bölgədə Azad İqtisadi Zonanın təqdim etdiyi imkanlarla tanış olunacaq, tikinti, tikinti materiallarının istehsalı, kənd təsərrüfatı, turizm və digər sahələrdə xarici investiyanın bölgəyə cəlb edilməsi üçün nəzərdə tutulan güzəştlər haqqında məlumat veriləcək, B2B görüşlər təşkil ediləcək. Bundan əlavə, səfər çərçivəsində mədəni proqram, tarixi abidələrin ziyarəti və s. təşkil ediləcək.
Qeyd olunan biznes səfər zamanı forumda 15 nəfərədək iştirakçının müəyyən xərclər, o cümlədən qarşılanma, daxili transfer, otel xərcləri (3 günlük), qida xərcləri (avia biletlər xaric) Özbəkistandakı ASK tərəfdaşları tərəfindən qarşılanacaq.
Qeyd edək ki, ətraflı məlumatı keçiddən əldə edə bilərsiniz.