13 dekabr 2017-ci il tarixində Azərbaycan Banklar Assosiasiyasında (ABA) “Blokçeyn texnologiyaları və kriptovalyutalar” mövzusunda seminar keçirilib. ABA və Azərbaycan Bank Tədris Mərkəzinin təşəbbüsü ilə keçirilən seminarda ABA-ya üzv olan bankların nümayəndələri iştirak edib.
Belə ki, seminarda “Blokçeyn texnologiyaları: istifadə təcrübələri və imkanları”, “Kriptovalyutalar və kriptoqrafiya”, “Bitkoin kriptovalyutası”, “Blokçeyn necə işləyir?” “Maining”, “Etherium və Ripple kriptovalyutası”, “ICO (Initial Coin Offering)”, “TOKEN”, “Smartcontract” mövzuları seminar iştirakçılarının diqqətinə çatdırılıb.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 30 bank və 2 bank olmayan kredit təşkilatı, eyni zamanda Azericard MMC ABA-nın üzvüdür.
