“Normativ-metodoloji bazanın yenilənməsi zamanı ilk növbədə kredit riskinin, xüsusilə məzənnə riskindən törəyən kredit riskinin və bazar risklərinin idarə edilməsinə dair tələblər gücləndiriləcək. Bununla əlaqədar ehtiyatlanma, açıq valyuta mövqeyi və kapital adekvatlığının hesablanması ilə əlaqədar qaydalara dəyişikliklər ediləcək”.
Bu sözləri Maliyyə Bazarlarına Nəzarət Palatasının Prudensial siyasət və metodologiya idarəsinin rəisi Rüstəm Tahırov İlk Bankçılıq Forumunda bildirib.
Onun sözlərinə görə, normativ-metodoloji bazanın hərtərəfli inventarizasiyası aparılmış və qaydaların yenilənməsi ardıcıllığı müəyyən edilmişdir.