2018-ci ildə Azərbaycanda əsas kapitala yönəldiləcək investisiyaların həcmi 15.9 mlrd. manat məbləğində proqnozlaşdırılır.
Bu haqda “2018-ci il dövlət büdcəsi haqqında” qanun layihəsində məlumat verilib.
Məlumata əsasən, vəsaitlərin 51.5%-i daxili, 48.5%-i isə xarici investisiyaların payına düşür. Ümumi investisiyaların 9.5 mlrd. manatı isə qeyri-neft sektoruna, 6.4 mlrd. manatı neft sektoruna yönəldilməsi nəzərdə tutulur.
Dövlət investisiyalarının payı 42.8%, qeyr-dövlət investisiyalarının payı isə 57.2% təşkil edəcək.
Qeyd edək ki, 2018-ci ildə Azərbaycanda orta aylıq real əmək haqqının 0.5% artaraq 549.7 manata çatacağı gözlənilir.