İngiltərə Mərkəzi Bankının bəzi işçiləri maaş artımı məsələsində yaşanan münaqişə səbəbindən etiraz ediblər. Etiraz onların tətil etməsilə nəticələnib.
Əksər departamentlərdə tətil qərarına dəstək 95%-ə çatıb.
Məlumata görə, şəxsi heyət 31 iyulda iş buraxma aksiya keçirəcək. Mərkəzi Bankın problemin həlli üçün addımlar atmaması şəraitində iş buraxma aksiyaları 1, 2 və 3 avqust tarixlərində də davam edəcək.
İngiltərə Mərkəzi Bankı isə verdiyi açıqlamada tətil qərarı alan işçilərin ümumi işçilərin 3%-ni təşkil etdiyini bildirərək qeyd edib ki, iş buraxma aksiyaları əməliyyatlara təsir göstərməyəcək.