İpoteka krediti əldə edən zaman veriləcək məbləğin həcmi müştərinin ödəniş qabiliyyətindən asılıdır. Bu zaman müştərinin aylıq qazancı, kredit müraciəti edənə qədərki bir il ərzində əldə etdiyi ümumi gəlirin 12-yə bölünməsi ilə hesablanılır. Həmçinin banklar kredit verərkən, müştərinin xərclərini də nəzərə alırlar. Belə ki, ipoteka krediti əldə edən müştəri həm də öz minimum yaşayışını da təmin etməlidir. Bu minimum hədd, həmçinin sığorta haqqı və digər öhdəliklər müştərinin aylıq gəlirindən çıxıldıqdan sonra müştərinin ödəyə biləcəyi maksimum aylıq vəsait müəyyənləşir və veriləcək kreditin ümumi həcmi hesablanılır.
Qeyd edək ki, bu minimum yaşayış həcmi ilə bağlı hər bir bank fərqli siyasət yeridir. Əksər banklarda bu hədd 155 manat olsa da, bəzilərində isə bu göstərici 200 manata qədər yüksəlir. Bunu hər bir bankın gələcək dövr ilə bağlı inflyasiya gözləntisinin və bundan irəli gələrək, yaşayış minimumundakı artım proqnozunun fərqli olması ilə izah etmək olar. Nəzərə almaq lazımdır ki, hazırkı minimum yaşayış səbətinin qiyməti ilə 20 il sonrakı minimum yaşayış səbətinin qiyməti fərqli ola və böyük ehtimal arta bilər.
Ümumilikdə isə ipoteka krediti alan müştəriyə tətbiq edilən minimum yaşayış həddi ilə bağlı bankların sıralaması aşağıdakı kimidir:
Sıra | Banklar | Yaşayış minimumu (manatla) |
1-13 | AFB Bank ASC | 155 |
1-13 | Bank Avrasiya ASC | 155 |
1-13 | Bank BTB ASC | 155 |
1-13 | Bank Silk Vey ASC | 155 |
1-13 | Caspian Development Bank ASC | 155 |
1-13 | Dəmirbank ASC | 155 |
1-13 | GünayBank ASC | 155 |
1-13 | NBCBank ASC | 155 |
1-13 | Nikoyl ASC | 155 |
1-13 | Rabitəbank ASC | 155 |
1-13 | Turanbank ASC | 155 |
1-13 | Xalq Bankı ASC | 155 |
1-13 | Yapi Kredi Bank QSC | 155 |
14 | Muğanbank ASC | 160 |
15 | AGBank ASC | 170 |
16 | Bank VTB (Azərbaycan) | 175 |
17-21 | AtaBank ASC | 180 |
17-21 | Azər-Türk Bank ASC | 180 |
17-21 | Bank of Baku ASC | 180 |
17-21 | Express Bank ASC | 180 |
17-21 | PAŞA Bank ASC | 180 |
22-25 | Azərbaycan Beynəlxalq Bankı ASC | 200 |
22-25 | Bank Respublika ASC | 200 |
22-25 | Kapital Bank ASC | 200 |
22-25 | UniBank KB ASC | 200 |
Qeyd: Yaşayış minimumu -Borcalanın (birgə borcalanın) və onun ailəsinin həyatı və fəaliyyəti ilə əlaqədar müntəzəm ödənişlərin hesablanması zamanı hər bir ailə üzvünün saxlanılması üçün xərc ölkə üzrə müəyyən olunmuş yaşayış minimumundan az götürülə bilməz. 2017-ci il üçün yaşayış minimumu ölkə üzrə 155 manat müəyyən edilmişdir.
BBN.az tərəfindən aparılan bu tip bazar araşdırmaları ilə mütəmadi olaraq, tanış olmaq üçün səhifəmizi bəyənə bilərsiniz.
Həmçinin bax:
Adi ipoteka kreditlərində minimum ilkin ödəniş nə qədərdir? – SİYAHI
Güzəştli ipoteka kreditlərində minimum ilkin ödəniş nə qədərdir? – SİYAHI