Kapital Bank-ın 1 iyun – Uşaqların Beynəlxalq Müdafiəsi Günü ərəfəsində“Nağıllara səyahət” adlı sosial layihəsi təşkil edilib. Layihə çərçivəsində ölkənin bir sıra şəhərlərində uşaqlar üçün pulsuz teatr tamaşaları nümayiş olunub. Layihə çərçivəsində Sabit Rəhman adına Şəki Dövlət Dram Teatrında “Kəlilə və Dimnə” tamaşası, Gəncə Dövlət Dram Teatrında “Tıq-tıq xanım”, Lənkəran Dövlət Dram Teatrında “Ceyranın ad günü” və Abdulla Şaiq adına Dövlət Kukla Teatrında “Tıq-tıq xanım” tamaşası nümayiş olunub.
Qeyd edək ki, tamaşalarda ümumi olaraq 4000-ə yaxın uşaq iştirak edib. Tədbir zamanı həmçinin maraqlı müsabiqələr təşkil olunub və məktəblilərə Kapital Bank adından hədiyyələr verilib. Tədbirin keçirilməsinə Təhsil Nazirliyi və ASAN Radio öz dəstəyini göstərib.