2016-cı ilin avqust ayının sonuna aktiv plastik kartların sayı 5,27 mln. ədəd təşkil edir ki, bu da ilin əvvəli ilə müqayisədə 6,9% azdır.
Azalma hər iki növ plastik kartda da – kredit və debit kartlarında müşahidə edilsə, kredit kartlarının sayındakı enmə daha kəskindir. Belə ki bu tip ödəniş kartlarının sayı ilin əvvəli ilə müqayisə də 27,9%, ötən ilin müvafiq dövrü ilə müqayisədə isə 37,3% azalıb.
Ödəniş kartlarının strukturu və ilin əvvəli ilə müqayisədə dinamikası ilə aşağıdakı diaqramda tanış ola bilərsiniz:
Azərbaycan Banklar Assosiasiyasının (ABA) “Kredit İşi və Risk” üzrə Ekspert Qrupunun məsələ ilə bağlı BBN.az-a verdiyi açıqlamasında bildirilib ki, kredit kartlarındakı azalma ilk növbədə Maliyyə Bazarlarına Nəzarət Palatasının (Palata) məsuliyyətli kreditləşmə prinsiplərinin tətbiqi ilə bağlıdır. Həmçinin istehlak kreditlərinin yalnız manatda verilməsi də buna təsir edib. Belə ki, kredit kartları ilə verilən kreditlər adətən istehlak krediti olur. Ümumiyyətlə, kreditə olan tələbin yüksək olmadığı dövrdə, kreditlərin faiz dərəcəsinin depozit və digər resurslara müvafiq olaraq yüksək olması tələbin bir qədərdə aşağı olmasına təsir göstərir.
Ödəniş kartlarının tərkibi və dinamikası ilə bağlı daha geniş məlumat üçün aşağıdakı cədvələ baxın:
| Plastik kartların sayı, min ədəd | |||||
| Göstəricilər | 2016-cı il avqustun sonu | İlin əvvəli ilə müqayisə | Ötən ilin eyni dövrü ilə müqayisə | 2015-ci ilin sonu | 2015-ci il avqustun sonu |
| Ödəniş kartları | 5270 | -6.9% | -8.5% | 5659 | 5759 |
|
o cümlədən: |
|||||
| Debet kartları | 4542 | -2.3% | -1.2% | 4650 | 4599 |
|
həmçinin: |
|||||
| Sosial kartlar | 2363 | -3.6% | -3.8% | 2451 | 2456 |
| Əmək haqqı kartları | 1531 | 4.4% | 4.5% | 1467 | 1465 |
| Digər | 648 | -11.5% | -4.4% | 732 | 678 |
| Kredit kartları | 728 | -27.9% | -37.3% | 1010 | 1161 |