OPEC və ona üzv olmayan ölkələrin neft hasilatını azaltması barədə anlaşmadan yumşaq şəkildə ayrılması lazımdır və bu ideya anlaşma iştirakçısı olan bəzi ölkələr tərəfindən dəstəklənir.
Rusiyanın energetika naziri Aleksandr Novak bu sözləri deyib. Nazirin dediyinə görə, bu məsələ iyulun 24-də keçiriləcək neft hasilatçısı ölkələri neft nazirlərinin iclasında müzakirə edilə bilər.
“Neftin son günlərdə ucuzlaşmasına baxmayaraq, hesab edirik ki, OPEC anlaşması effektivdir. Dünya neft ehtiyatlarının tədricən azaldığı müşahidə olunur. Ona görə də 25 may anlaşmasının parametrlərindən kənara çıxmağa lüzum görmürük”, – A.Novak bildirib.
OPEC və ona üzv olmayan ölkələrin neft hasilatının azaldılması barədə anlaşması 2018-ci il martın 31-dək qüvvədədir. Anlaşmanın məqsədi dünya neft ehtiyatlarını 5 illik orta səviyyəyə çatdırmaqdır.