13 oktyabr 2018-ci il tarixində Azərbaycan Banklar Assosiasiyasının rəsmi mətbu orqanı olan “Banklar və Biznes” Qəzeti (BBN.az) tərəfindən Yapı Kredi Bank Azərbaycan QSC-nin təşkilati dəstəyi ilə praktiki təlim təşkil olunub.
BBN.az xəbər verir ki, tədbir “Məsuliyyətli borclanma” mövzusunda keçirilən məqalə müsabiqəsi çərçivəsində baş tutub.
Praktiki təlimdə tələbələrə “Hər bir jurnalist bunu bilməlidir” və “Məsuliyyətli borclanma” mövzusunda peşəkarlar tərəfindən təqdimatlar edilib.
Həmçinin elan edilmiş müsabiqə ilə əlaqədar olaraq, “Məsuliyyətli borclanma” mövzusunda yazılacaq məqalələrə olan tələblər daha geniş formada təlim iştirakçılarının diqqətinə çatdırılıb.
Sonda iştirakçılar sertifikatlarla təltif edilib və birgə xatirə şəkli çəkdirilib.
Xatırladaq ki, Azərbaycan Banklar Assosiasiyasının rəsmi mətbu orqanı olan “Banklar və Biznes” Qəzeti (BBN.az), Yapı Kredi Bank Azərbaycan QSC-nin təşkilati dəstəyi ilə Həsən bəy Zərdabinin anım gününə hərs edilmiş “Məsuliyyətli borclanma” mövzusunda tələbələrarası məqalə müsabiqəsi elan edib.
