Sığorta hadisəsi baş vermiş bankların qorunan əmanətçilərinə 23 fevral 2017-ci il tarixinə qədər 726 mln.169 min manatdan çox kompensasiya ödənişi həyata keçirilib.
Kompensasiya ödənişi həyata keçirilmiş banklar və onlara ödənilən məbləğlər aşağıdakı cədvəldə göstərilib:
|
Sıra |
Banklar |
10 mart 2017-ci il tarixinə kompensasiya ödənişləri (mln.manat) | Ümumi kompensasiya öhdəliyinin faizlə ifadəsi |
| 1 | Parabank | 43,195 | 98,4% |
| 2 | Zaminbank | 54,479 | 75% |
| 3 | Kredobank | 27,771 | 99,5% |
| 4 | Dekabank | 3,086 | 98,7% |
| 5 | Atrabank | 14,280 | 98,1% |
| 6 | Qafqaz İnkişaf Bankı | 1,974 | 94,4% |
| 7 | Bank Standard | 435,814 | 99% |
Qeyd edək ki, ləğv prosesində olan “Bank of Azerbaijan” ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 27 yanvar 2017-ci il tarixində başa çatmış və bu tarixədək “Bank of Azerbaijan” ASC-nin qorunan əmanətçilərinə 24 milyon 161 min (ümumi kompensasiya öhdəliyinin 97 %-i) kompensasiya ödənilib.
Eyni zamanda, ləğv prosesində olan “Gəncəbank” ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 04 fevral 2017-ci il tarixində başa çatmış və bu tarixədək “Gəncəbank” ASC-nin qorunan əmanətçilərinə 976 min 440 manat (yəni ümumi kompensasiya öhdəliyinin 94 %-i) kompensasiya ödənilib.
“Texnikabank” ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 12 fevral 2017-ci il tarixində başa çatmışdır. 12 fevral 2017-ci il tarixədək “Texnikabank” ASC-nin qorunan əmanətçilərinə 120 milyon 433 min manatdan artıq (ümumi kompensasiya öhdəliyinin 98,2 %-i) kompensasiya ödənilib.