İqtisadiyyat Nazirliyində “Azərbaycan Respublikasında kənd təsərrüfatı məhsullarının istehsalına və emalına dair Strateji Yol Xəritəsi”nin Tədbirlər Planında Nazirliyin icraçı olduğu tədbirlərin icra vəziyyəti müzakirə edilib.
Belə ki, iclasda qeyd edilən strateji yol xəritəsi üzrə Nazirliyin əsas icraçı olduğu tədbirlərə dair aidiyyəti struktur bölmələrin hesabat məruzələri dinlənilib, icra müddəti 2017-ci ildə başa çatan və başlanılan tədbirlərin cari ilin 1-ci yarımilliyi üzrə icra vəziyyətinin qiymətləndirilməsinə dair İqtisadi İslahatların Təhlili və Kommunikasiya Mərkəzinin hesabatlarında verilmiş tövsiyələr nəzərə alınaraq, görülməsi tələb olunan işlər və gözlənilən nəticələr barədə fikir mübadiləsi aparılmış, tədbirlərin tam və vaxtında icrasına dair aidiyyəti struktur bölmələrə müvafiq təklif və tövsiyələr verilib.
Qeyd edək ki, Strateji yol xəritələrində İqtisadiyyat Nazirliyinin icraçı olduğu tapşırıqların icra vəziyyətinin Nazirlik üzrə aidiyyəti əlaqələndirici struktur bölmələrin və icraçıların iştirakı ilə müzakirəsinin aparılması tədbirləri davam etdirilir.