Ümumdünya Əqli Mülkiyyət Təşkilatı (ÜƏMT) süni intellektlə bağlı ən çox patent müraciətlərinin Yaponiya, Cənubi Koreya və ABŞ şirkətləri tərəfindən edildiyini bildirib.
ÜƏMT-nın süni intellekt sahəsində görülən işlər haqqında yayımladığı hesabatında, Çin və ABŞ-ın rəqiblərini qabaqladığını çatdırıb.
Hesabatda ABŞ-ın texnologiya nəhəngi IBM 8 min 920, Microsoft 5 min 930 patent müraciəti etdiyi qeyd edilib.
Hesabatda göstərilib ki, süni intellektin ilk dəfə tətbiq edildiyi 1950-ci illərdən bəri bununla bağlı 340 min patent müraciəti olub və 1,6 milyon elmi sənəd nəşr olunub.
ÜƏMT-nın baş direktoru Francis Gurry mətbuat konfransında süni intellekt sahəsində Çin və ABŞ-ın patent müraciətləri və elmi nəşrlər baxımından rəqiblərini xeyli üstələdiyini bildirib.
Artıq həyatın bütün sahələrində süni intellektin tətbiq edildiyini qeyd edən Gurry, onun “işsizliyi artırmaq və ya yeni məşğulluq sahələrini yaratmaq” məsələsində ziddiyyətin olduğunu da deyib.