Türkiyə Statistika Təşkilatı (TUİK) aprel-iyun ayları üzrə ümumi daxili məlumatları açıqlayıb. Belə ki, Türkiyə iqtisadiyyatı ikinci rübdə 5.1% böyüyüb.
“Anadolu Agentliyi” tərəfindən keçirilən sorğuda iştirak edən 13 iqtisadçının orta proqnozuna görə, ötən rüb üzrə ÜDM-in 5.4% artması gözlənilirdi.
2017-ci ilin ikinci rübündə istehsalat üsulu ilə ümumi daxili məhsul proqnozu cari qiymətlərlə müqayisədə 16.3% artaraq 734 mlrd. 211 mln. TL olub.
2017-ci ilin ikinci rübündə kənd təsərrüfatı sektoru 4.7%, sənaye sektoru 6.3%, tikinti sektoru 6.8% artıb. Xidmət sektoru tərəfindən ticarət, nəqliyyat, yaşayış və qida xidmətlərinin həcmi olan əlavə dəyər isə 5.7% artıb.
Qeyd edək ki, hesabat dövründə əmək haqlarında artım illik müqayisədə 10,8% təşkil edib. Mal və xidmətlərin ixracı isə 10,5%, idxal 2,3% artıb.