BBN.az olaraq, banklarda yerləşdiriləcək “uşaq əmanəti” tipli depozit məhsullarının faiz dərəcələri üzrə sıralamasını və digər şərtləri təqdim edirik.
| № | Bank | Məbləğ (minimum) | Faiz | İl (maksimum) | Qeyd | Kapitallaşma |
| 1 | TuranBank ASC | 100 | 15% | min 3 il-18 yaşa qədər | 5 ilə qədər müddətdən əvvəl götürüldükdə heç bir faiz ödənmir, 5 ildən sonra 1-2% | var |
| 2 | NBCBank ASC | 200 | 13% | 18 | Əmanətlər vaxtından əvvəl götürüldükdə faizlər belə hesablanır: 0-5 il 4% 5-10 il 7% 10-18 il 10% | yoxdur |
| 3 | AGBank ASC | 100 | 8% | 18 | Yalnız müddətin sonunda götürmək mümkündür | var |
| 4 | Rabitəbank ASC | 200 | 7% | 18 | Faizlər hər ilin sonu ödənilir, əmanəti hər ilin sonunda götürmək mümkündür | var |
| 5 | Xalq Bank ASC | 1000 | 6% | 18 | Faizlər hər ilin sonu ödənilir, əmanəti hər ilin sonunda götürmək mümkündür | var |
Belə əmanət növlərində diqqət edilməli olan digər məsələ isə əmanətin kapitallaşması ilə əlaqədardır. Əmanətin kapitallaşması deyilən zaman əmanət üzrə faizin indiyə qədər yığılmış bütün vəsaitə vurulması nəzərdə tutulur. Əmanət kapitallaşmadıqda əmanət faizi ilkin vəsait əsasıda heablanır. Misal üçün bankda faiz dərəcəsi 15%-dir. Siz 10 illik 1000 manat vəsait yerləşdirmisizniz. İlk ilin sonunda Sizin hesabınızda 1150 olacaqdır. İkinci il isə bu vəsait kapitallaşarsa, hesabınızda 1322.5 manat (faizlər 1150 manat əsasında hesablanıb), kapitallaşmazsa, 1300 manat (faizlər 1000 manat əsasına hesablanıb). İlk baxışdan 22.5 manat o qədərdə böyük fərq olaraq görünməyə bilər. Lakin 10 ilin sonunda kapitallaşmayan hesabda 2500 manat olacaqsa, kapitallaşan hesabda isə bu məbləğ 4045.6 manat olacaqdır.
Müddət artdıqca bu fərq daha da böyüyür. Bu səbəbdən “uşaq əmanəti” kimi uzunmüddətli əmanətlərdə buna diqqət yetirmək vacibdir.
İndi isə yuxarıda adı çəkilən banklarda yerləşdirilən 1000 manatın 18 ilin sonunda neçə manat olacağına nəzər yetirək.
| № | Bank | 1000 manat 18 ilin sonunda |
| 1 | TuranBank ASC | 12375.5 |
| 2 | AGBank ASC | 3996.0 |
| 3 | Rabitəbank ASC | 3379.9 |
| 4 | NBCBank ASC | 3340.0 |
| 5 | Xalq Bank ASC | 2854.3 |
Göründüyü kimi “NBC Bank”da bu tip əmanət kapitallaşmadığı üçün 18 ilin sonunda alınacaq ödəniş, faiz dərəcəsi bu bankdan daha aşağı olan “Rabitəbank” və “AGBank”a nisbətdə daha azdır.
Bu tip bazar araşdırmaları ilə BBN.az-ı izləyərək tanış ola bilərsiniz.