Cari ilin yanvar-aprel aylarında “İş yerinə dair arayış” elektron xidmətinə 87 039 dəfə müraciət olunub.
Cari ilin aprel ayında vətəndaşlar bu e-xidmətə ötən ilin aprel ayı ilə müqayisədə isə 68,2 faiz çox olmaqla, 23 115 dəfə istifadə edilib. Ümumilikdə cari ilin yanvar-aprel aylarında “İş yerinə dair arayış” e-xidmətinə 87 039 dəfə müraciət olunub ki, bu da ötən ilin müvafiq dövrü ilə müqayisədə 52,4 faiz çoxdur.
Elektron arayış sistemində aktuallığı ilə seçilən “İş yerinə dair arayış” e-xidməti istifadəçiyə onlayn rejimdə öz iş yerinə dair arayış əldə etməyə imkan verir və artıq bunun üçün vətəndaşın əmək fəaliyyətində olduğu müəssisənin aidiyyəti şəxslərinə müraciət etməsinə ehtiyac qalmır.
Qeyd edək ki, “İş yerinə dair arayış” e-xidməti 2014-cü ilin dekabr ayından fəaliyyət göstərir və cari ilin 01 may tarixinə qədər bu e-xidmətə 539 910 dəfə müraciət olunub.