“Zara”nın yaradıcısı Amancio Ortega dünyanın ən zəngin insanları sırasında yer alır. BBN.az “Forbes” saytına istinadən xəbər verir ki, 2016-cı ilin məlumatlarına əsasən, A. Orteganın sərvətinin dəyəri 67 milyard dollardır. Belə ki, O, Bill Gatesdən sonra dünyanın ikinci ən zəngin adamıdır. 1963-cü ildə kiçik ailə şirkətində tekstil istehsalına başlayan Ortega 1975-ci ildən etibarən keçmiş həyat yoldaşı Rosalía Mera ilə “Zara”nın əsasını qoyub. 1980-ci ilin ortalarında öz biznesini İspaniya boyunca genişləndirərək Amerikada ilk mağazasını 1989-cu ildə açıb. 1980-ci illərdə markanı “Inditex Grup” adı altında bir holdinqə çevirib və hissələrin 59.3 % -ni satın alaraq ən böyük səhmdara çevrilib. “İnditex” bu gün Massimo Dutti, Uterque, Zara Home, Stradivarius, Bershka, Oysho ve Pull&Bear brendlərini özündə birləşdirən Avropanın bir pərakəndə satış mərkəzidir.
Daim mətbuata açıqlama verməkdən boyun qaçıran İspaniyalı milyarder uğurunun 5 sirrini açıqlayıb.
Onun fikirlərinə görə, bir biznesin uğurlu ola bilməsi üçün şirkətdə aşağıdakı faktorlar təmin olunmalıdır:
- Şirkət daxilində proseslərin sürətli şəkildə həyata keçirilməsi – A. Ortega Zaranın əsasını qoyduğu gündən bəri onun əsas tətbiq etdiyi strategiya bazarda hər kəsdən öncə yenilikləri məhsullar üzərində tətbiq etməkdir. Belə ki, Zara mağazalarında iki həftədən bir məhsullar yeniləri ilə əvəzlənir.
- Müştərilərin istəklərinə fokuslanmaq – O öz açıqlamasında bildirib ki,müştərilər həmişə biznes modellərinə üstünlük verirlər. Belə ki, şirkət moda kolleksiyalarının hazırlanmasında, mağazaların dizayn edilməsində və digər fəaliyyətlərlərində müştərilərin zövqünə uyğun şəkildə hərəkət edir.
- Təchizat zəncirinə nəzarət etmək – Onun dizaynları zavodlarında tərtib olunsada məhsullar yerli mağaza şəbəsi tərəfindən tikilir. Bu qısaldılmış təchizat zənciri şirkətin yeni tendensiyalara tez reaksiya verməsinə imkan yaradır.
- Ənənəyə sadiq qalmaq – 80 yaşında olmasına baxmayaraq gününün əksər hissəsini ofisdə keçirir. Eyni zamanda, gördüyü işlərin və yeni ideyaların onu heç vaxt yormadığını diqqətə çatdırıb.
- İnnovasiya fəaliyyətini heç vaxt dayandırmamaq – Müvəffəqiyyət heç vaxt zəmanətli deyil. A. Ortega buna görədə daim innovativ məhsullar istehsal etməyə fokuslanmaq lazım olduğunu vurğulayıb.