Azərbaycan Respublikası Hesablama Palatasının Kollegiya iclasında həyata keçirilən aşağıdakı nəzarət tədbirləri üzrə Hesabatlar müzakirə olunub:
– Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Quba rayon şöbəsinə dövlət büdcəsindən ayrılan vəsaitlərin, məcburi dövlət sığortası üzrə gəlirlərin və xərclərin icrasına dair;
– Azərbaycan Respublikası Ekologiya və Təbii Sərvətlər Nazirliyinin “Azərbaycan yaşıllaşdırma və landşaft quruluşu” Açıq Səhmdar Cəmiyyətinə dövlət büdcəsindən ayrılan vəsaitlərin istifadəsinə dair.
Kollegiyaya dəvət olunmuş Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Quba rayon şöbəsinin müdiri, Şöbənin Sosial sığorta sektorunun müdiri və Ekologiya və Təbii Sərvətlər Nazirliyinin Maliyyə və təsərrüfat şöbəsinin müdiri, Nazirliyin “Azərbaycan yaşıllaşdırma və landşaft quruluşu” Açıq Səhmdar Cəmiyyətinin sədri, Maliyyə və təsərrüfat şöbəsinin müdir əvəzi müzakirələrdə iştirak edib, kollegiya üzvlərinin suallarını cavablandırıblar.